Иргэдийн жагсаал өнөөдөр 13 дахь өдрөө тайван замаар үргэлжилж байсан хэдий ч  хөгжлийн бэрхшээлтэй иргэн Сүхбаатарын талбай дээр өөрийгөө шатаахыг оролджээ. Тэрээр өөрийнхөө бие дээр будаг шингэлэгч азтон асгасан байна. Улмаар өөрийгөө шатаахаар гал гаргах гэж оролдсон ч асаагуур нь асаагүй аж.

Энэ тухай Цагдаагийн байгууллагаас тодруулахад “Өнөөдөр 11:00 цагийн үед Төв талбайд болсон тухайн явдлыг яг одоо Сүхбаатар дүүргийн Цагдаагийн 1 дүгээр хэлтсээс шалгахаар ажиллаж байна. Гэхдээ тухайн хүнийг бие дээрээ ямар шингэн асгасан болон шатаах оролдлого хийсэн үү, үгүй юу гэдгийг шалгалтаар тогтооно” гэдгийг хэллээ.

Сүхбаатарын талбай дээр иргэн өөрийгөө шатаахыг оролджээ