Нийслэлийн прокурорын газраас УИХ-ын дарга асан Д.Амарбаясгаланг мөрдөн шалгах байгууллагаас ирүүлсэн хүсэлтийн дагуу яллагдагчаар татсан гэдгийг өнөөдөр албан ёсоор мэдээллээ. АТГ-ын Мөрдөн шалгах хэлтсээс УИХ-ын гишүүн Д.Амарбаясгаланд холбогдуулан улс төрд нөлөө бүхий этгээд эрх мэдэл албан тушаалын байдлаа урвуулан ашиглах, их хэмжээний хахууль авах, үндэслэлгүйгээр хөрөнгөжих гэсэн гэмт хэргүүдэд тус тус эрүүгийн хэрэг үүсгэж яллагдагчаар татах саналыг Нийслэлийн прокурорын газарт өнгөрсөн долоо хоногт ирүүлжээ.

 

 

 

Прокуророос дээрх хэргийг хянаад мөрдөгчөөс гаргасан санал үндэслэлтэй гэж үзэж, УИХ-ын гишүүн Д.Амарбаясгаланд Эрүүгийн хуулийн 22.1.2 дахь заалтад заасан улс төрд нөлөө бүхий этгээд эрх мэдэл албан тушаалын байдлаа урвуулан ашгилах, их хэмжээний хахууль авах, Эрүүгийн хуулийн 22.10.2 дахь хэсэгт заасан үндэслэлгүйгээр хөрөнгөжих гэсэн зүйл ангиар тус тус эрүүгийн хэрэг үүсгэн яллагдагчаар татаж, мөрдөн шалгах ажиллагаа явагдаж байгааг Нийслэлийн прокурорын газраас мэдээллээ.

Д.Амарбаясгаланг их хэмжээний хахууль авах, үндэслэлгүйгээр хөрөнгөжсөн гэх хэрэгт яллагдагчаар татжээ