Европын холбоо (ЕХ) насанд хүрээгүй хүүхдүүдийг цахим орчны эрсдэл, донтолт болон сэтгэцийн эрүүл мэндийн сөрөг нөлөөллөөс хамгаалах зорилгоор нийгмийн сүлжээний зохицуулалтаа чангатгаж байна. Хэдийгээр ЕХ-ны хэмжээнд 13-аас доош насны хүүхдүүдийн нийгмийн сүлжээн дэх хэрэглээг бүрэн хориглосон шийдвэр хараахан гараагүй байгаа ч гишүүн орнууд болон холбооны институциуд энэ чиглэлд тодорхой алхмуудыг хийж эхэлжээ.

 

Одоогийн мөрдөгдөж буй Мэдээллийн хамгаалалтын ерөнхий журам (GDPR)-ын дагуу 13-аас 16 хүртэлх насны хүүхдүүд зөвхөн эцэг эхийн зөвшөөрөлтэйгөөр цахим платформуудад бүртгүүлэх эрхтэй байдаг. Үүний Parallel-д Франц, Испани зэрэг ЕХ-ны зарим гишүүн орнууд үндэсний хууль тогтоомжийнхоо хүрээнд насанд хүрээгүй хүүхдүүдэд эцэг эхийн зөвшөөрөлгүйгээр аккаунт нээхийг хязгаарлах, хэрэглэгчийн насыг бодитоор тогтоох технологи нэвтрүүлэхийг технологийн компаниудаас шаардаж байна.

 

Түүнчлэн ЕХ-ны "Дижитал үйлчилгээний тухай хууль" (DSA)-ийн дагуу TikTok, Instagram, X (Twitter) зэрэг том платформууд насанд хүрээгүй хэрэглэгчдэд зориулсан алгоритмын сурталчилгааг хориглож, тэдний аюулгүй байдлыг хангах нэмэлт үүрэг хүлээгээд байгаа юм.

 

Цаашид ЕХ-ны түвшинд хүүхдийн цахим хэрэглээний насны доод хязгаарыг чангаруулж, нас баталгаажуулах нэгдсэн систем нэвтрүүлэх асуудлаарх бодлогын хэлэлцүүлэг үргэлжилж байна.

Европын орнууд хүүхдийн нийгмийн сүлжээн дэх хэрэглээнд хатуу хяналт тавьж эхэллээ