Б.Хурц нарт холбогдох хэргийн шүүх хуралдаан хойшиллоо

4 жил өмнө 391

Хуваалцах Жиргэх

Б.Хурц нарт холбогдох эрүүгийн хэргийн анхан шатны шүүх хуралдаан өнөөдөр Төв аймаг дахь сум дундын эрүүгийн хэргийн анхан шатны шүүхэд эхэлсэн юм. Нийслэлийн Прокурорын газраас яллах дүгнэлт үйлдэж ирүүлсэн Б.Хурц О.Бямбажав, Г.Эрдэнэбат, О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, Э.Өлзийбаяр нарт холбогдох эрүүгийн хэргийг тавдугаар сарын 20-нд хэлэлцэж, өмгөөлөгчдийн хүсэлтээр өнөөдрийг хүртэл хойшлуулаад байсан. Харин өнөөдрийн хуралдаанд Б.Хурц нар шүүх бүрэлдэхүүнээс татгалзсанаар шүүх хурлыг дахин хойшлууллаа.

Хэргийг сануулахад, Төр, нийгмийн зүтгэлтэн С.Зориг агсны амь насыг хөнөөсөн хэргээр ял авсан Т.Чимгээ, Б.Содномдаржаа нарыг эрүүдэн шүүсэн, гүйцэтгэх ажиллагааны журам зөрчсөн хэргээр Б.Хурц нарын есөн хүнд эрүүгийн хэрэг үүсгэн шалгаж эхэлсэн билээ.

Б.Хурц О.Бямбажав, Г.Эрдэнэбат, О.Бархасбадь, Ж.Мөнхгал, С.Баяр, Ү.Отгонбаяр, С.Эрдэнэбат, Э.Өлзийбаяр нарт холбогдох эрүүгийн хэргийг Төв аймаг дахь сум дундын эрүүгийн хэргийн анхан шатны шүүх өнөөдөр хэлэлцэнэ.

Өмнө нь тус хэргийн шүүх хуралдааныг 2020 оны 05 дугаар сарын 20-ны өдрийн 9.00 цагт хэлэлцэж өмгөөлөгчдийн хүсэлтээр 2020 оны 06 дугаар сарын 08-ыг хүртэл хойшлуулсан юм.

Нийслэлийн Прокурорын газраас 2015 оны Эрүүгийн хуулийн ерөнхий ангийн 1.8 дугаар зүйлийн 1 дэх хэсэг, 1.9 дүгээр зүйлийн 2 дахь хэсэг, 2002 оны Эрүүгийн хуулийн ерөнхий ангийн 34 дүгээр зүйлийн 34.1, 35 дугаар зүйлийн 35.3, 36 дугаар зүйлийн 36.3 дахь хэсэгт заасныг тус тус журамлан Эрүүгийн хуулийн тусгай ангийн 133 дугаар зүйлийн 133.1, 251 дүгээр зүйлийн 251.1 дэх хэсэгт зааснаар яллах дүгнэлт үйлдэж ирүүлсэн аж.

Б.Хурц нарт холбогдох хэргийн шүүх хуралдаан хойшиллоо

Сэтгэгдэл