“Хөдөлмөр эрхлэлтийн цогц үйлчилгээ”-нд хамрагдах иргэдийг Нийслэлийн үйлчилгээний нэгдсэн төвийн "Дүнжингарав" салбар дахь "Хөдөлмөр эрхлэлтийг дэмжих төв"-д өнөөдөр бүртгэж эхэллээ.
Хөдөлмөр эрхлэлтийн цогц үйлчилгээг нийслэлийн Хөдөлмөр эрхлэлтийг дэмжих төв, хөдөлмөр эрхлэлтийн бусад мэргэжлийн байгууллага болон ажил олгогчид хамтран зохион байгуулж, дараах үйл ажиллагааг хэрэгжүүлнэ. Үүнд:
-
Хөдөлмөр эрхлэх чадварыг үнэлэх,
-
Хувь хүний хөгжил, ажлын байран дахь хандлага, ур чадварыг тодорхойлох /цахим болон цаасан суурьт тест/,
-
Хөдөлмөрийн зах зээлд нэвтрэхэд шаардагдах ур чадварыг эзэмшүүлэх, өрсөлдөх чадварыг нэмэгдүүлэх /бүлгийн сургалт, сэтгэл зүйн зөвлөгөө, ганцаарчилсан зөвлөгөө, мэдээлэл/
-
Ажилд зуучилна.
“Хөдөлмөр эрхлэлтийн цогц үйлчилгээ”-нд хамрагдах иргэдийг ирэх сарын 24 хүртэл бүртгэх аж.
Ц.Оргил
| Хөдөлмөр эрхлэх иргэдийг бүртгэж эхэллээ |
|
Ерөнхий сайд Л.Оюун-эрдэнэ уучлалт гуйснаар АН-ын бүлгийн ядмаг улс төр өндөрлөлөө