УОК-ын Шуурхай штабын ээлжит хэвлэлийн хурал өнөөдөр болов. Энэ үеэр Бүгд Найрамдах Чех улс руу тусгай нислэг үйлдэхээр хэлэлцээ хийж байгааг мэдээлэв. Тус улсад манай улсын оюутнууд суралцахын зэрэгцээ оёдлын үйлдвэр гэх мэт хөнгөн үйлдвэрийн салбарт эмэгтэйчүүд олноороо ажилладаг.
Дэлхийн олон оронд суугаа монголчуудын нутаг буцах өргөдөл улам нэмэгдсээр байгаа бөгөөд анх 3000 орчим байсан өргөдөл 10 мянгад хүрээд байна. Хэдийгээр манай улс Чех рүү шууд нислэг үйлдэж байгаагүй ч цар тахлын нөхцөл байдлыг харгалзан тус улс дахь иргэдээ татан авах хүсэлтээ Прагад уламжилжээ.
Ташрамд хэлэхэд КОВИД 19-ийн улмаас МИАТ Австралийн хоёр ч хот руу анх удаа шууд нислэг үйлдэн, цаашид тус улс руу нисэх боломж байгааг баталсан юм.
Чех рүү тусгай үүргийн нислэг үйлдэхээр хэлэлцэж байна |
|