Ганцмод боомтод хоноглох нүүрс тээврийн жолооч нарын зочид буудлын үнийг 90 юаниар хямдруулжээ. Монгол Улс, БНХАУ-ын хилийн боомтуудаар явагдаж буй  худалдаа, ложистикийн үйл ажиллагааг хялбаршуулах үүднээс “Ногоон гарц” түр журмыг хэрэгжүүлж байгаа. Журмын хүрээнд Ганцмод боомтоор нүүрс тээвэрлэж буй монгол жолооч нарын хоноглох зочид буудлын үнийг хямдруулах, нөхцөлийг сайжруулах хүсэлтийг Монголын талаас БНХАУ-ын талд тавьсан байна.

 

Уг хүсэлтийг харгалзан Хятадын тал зочид буудлын үнээ 90 юаниар хямдруулж, 270 юань байсныг 180 юань болгосон байна. Уг тарифыг өчигдрөөс /2020.08.20/ эхлэн мөрдөж байгаа аж.

 

Ц.Оргил

Нүүрс тээврийн жолооч нарын зочид буудлын үнийг бууруулжээ