Их Британийн засгийн газар антисемитизм буюу еврейчүүдийн эсрэг үзэл суртал түгээсэн шалтгаанаар реппер Канье Уэстийг тус улсад нэвтрүүлэх эсэх асуудлыг хэлэлцэж байна. Тэрээр ирэх долдугаар сард Лондонд болох "Wireless Festival"-д оролцохоор төлөвлөөд байгаа ч улс төрчид болон олон нийтийн зүгээс хүчтэй эсэргүүцэлтэй тулгарлаа.

• Улс төрчдийн байр суурь: Ерөнхий сайд Кейр Стармер болон Боловсролын сайд Бриджит Филлипсон нар түүний өмнө гаргасан мэдэгдлүүдийг "жигшмээр" гэж тодорхойлоод, нийтийн эв нэгдэлд сөрөг нөлөө үзүүлэх эрсдэлтэйг анхааруулав.
• Ивээн тэтгэгчдийн ухралт: Канье Уэстийг оролцуулах болсонтой холбогдуулан "Pepsi", "Rockstar Energy", "Diageo" зэрэг томоохон компаниуд фестивалийг ивээн тэтгэхээс татгалзлаа.
• Олон нийтийн шүүмжлэл: Британийн еврейчүүдийн төлөөлөгчдийн зөвлөл зохион байгуулагчдыг "арьс өнгөөр ялгаварлан гадуурхалтаас ашиг олж байна" гэж буруутгаж, репперийг тус улсад нэвтрүүлэхгүй байхыг уриалж байна.

Өмнө нь Австрали улс ижил төстэй шалтгаанаар түүнд виз олгохоос татгалзаж байсан юм. Хэрэв Британийн Дотоод хэргийн яам визний хориг тавьбал "Wireless Festival"-ийн тоглолт цуцлагдах эрсдэлтэй байна.