Цөөн үгээр:
  • УИХ-ын ээлжит бус чуулганыг наймдугаар сарын 17-нд нээнэ
  • Өвөр Монголд байгалийн гамшигт үзэгдэл болж олон хүн гэмтжээ
“Хийлдэг гудсан дээр хүн хөвөөд явчихлаа” гэсэн дуудлагын дагуу дахин нэг хүний амь эрсдэхээс цагдаа нар сэргийллээ
3 долоо хоног өмнө   223
Хэнтий аймгийн Баян-Овоо сумын 3 дугаар багт байрлах Баянгүрэм амралтын газраас “Хийлдэг гудсан дээр хүн хөвөөд явчихлаа” гэсэн дуудлага өнөөдөр буюу 2020 оны долдугаар сарын 25-ны өдрийн 13:00 цагийн орчимд цагдаагийн байгууллагад иржээ.
 
Энэхүү дуудлага мэдээллийн дагуу шалгахад 42 настай “Г” гэгч нь өөрийн нэг настай охины хамт нуурын эрэгт хийлдэг гудас дээр унтаж амарч байгаад сэрэхэд Гүрмийн нуурын гол гүн хэсэг рүү хөвөөд явсан байна.
 
Хэнтий аймгийн Баян-Овоо сумын хэсгийн мөрдөгч, цагдаагийн дэслэгч Н.Раднаабазар, хэсгийн цагдаа, цагдаагийн дэд ахлагч Э.Мөнхтуяарах-Од нар нь Хэнтий аймгийн Хэрлэн сумын харьяат иргэн А.Анхбаярын хамт түргэн шуурхай ажиллаж сумын төвөөс хийлдэг завь хантааз, авто машины олгой хийлж, нуурын дунд хэсэгт хөвж байсан аав, охин хоёрыг учирч болох эрсдэл, аюулаас аварсан байна.
 
Эргэн сануулахад эдгээр алба хаагчид нь 2020 оны долдугаар сарын 14-ний өглөө 09:30 цагт иргэнээс тус нууранд “Манай 4 хүүхэд нууранд живлээ, авраарай” гэх дуудлага мэдээллийн дагуу түргэн шуурхай, зоримог ажиллан 5-8 насны 4 хүүхдийн амь насыг аварсан билээ.
 
Иргэд та бүхэн нуурын эрэг, хөвөөнд хийлдэг гудастай унтаж амрахаас болгоомжлохыг цагдаагийн байгууллагаас сэрэмжлүүлж байна.
 
Эх сурвалж: ЦЕГ-ын Хэвлэл мэдээллийн төв
 
“Хийлдэг гудсан дээр хүн хөвөөд явчихлаа” гэсэн дуудлагын дагуу дахин нэг хүний амь эрсдэхээс цагдаа нар сэргийллээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0