Цөөн үгээр:
  • 1068 ТӨРИЙН АЛБАН ХААГЧИЙГ ЭРГҮҮЛЭН ТОМИЛЖ, ТӨСВӨӨС 6.6 ТЭРБУМ ТӨГРӨГИЙГ НӨХӨН ОЛГОЖЭЭ
  • МОСКВАД 60-ААС ДЭЭШ НАСНЫХАН ӨНӨӨДРӨӨС ЭХЛЭЭД ДӨРВӨН САР ТУСГААРЛАГДАНА
  • МАРГААШ УЛААНБААТАРТ 10-12 ХЭМ ДУЛААН
Мах зарсан ШТС-ыг 20 сая төгрөгөөр торгожээ
1 сар өмнө   174
Шатахууны борлуулалт хязгаарлалттай байгаа энэ үед хэрэглэгчдэд болзол тулгаж худалдаа хийсэн "Синчи фуудс" компанид 20 сая төгрөгийн торгууль ногдуулжээ.
 
"Синчи фуудс" компани нь өөрийн нэрийн "Махлаг" махны төрөлжсөн мухлагт худалдаалж буй бүтээгдэхүүнээс худалдан авалт хийсэн тохиолдолд "Синчи ойл" шатахуун түгээх станцаас 40 мянган төгрөгийн шатахууны талон олгож байгаа тухай хэрэглэгчдээс гомдол ирсэн байна.
 
Уг гомдолд 2021 оны есдүгээр сарын 23, 24-ний өдөр хяналт, шалгалт хийж дээрх үйлдэл нь Зөрчлийн тухай хуулийн 10.7 дугаар зүйлийн 4.7 дахь хэсгийг зөрчсөн нь тогтоогдсон тул 20 сая төгрөгийн торгууль оногдуулсан талаар Шударга өрсөлдөөн хэрэглэгчийн төлөө газраас мэдээлэв.
 
Тодруулбал, Зөрчлийн тухай хуулийг 10.7 дугаар зүйлийн 4.7 дахь хэсэгт Хууль ёсны ашиг сонирхолд харшлах эсхүл хэрэглэгчийг хууль бусаар хохироох худалдааны арга хэрэглэх үйл ажиллагаа явуулсан нь эрүүгийн хариуцлага хүлээлгэхээргүй бол хууль бусаар олсон хөрөнгө орлогыг хурааж, учруулсан хохирол, нөхөн төлбөрийг гаргуулж хүнийг хоёр мянган нэгжтэй тэнцэх хэмжээний төгрөгөөр, хуулийн этгээдийг хорин мянган нэгжтэй тэнцэх хэмжээний төгрөгөөр торгоно гэж заажээ.+
 
Мах зарсан ШТС-ыг 20 сая төгрөгөөр торгожээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0