Цөөн үгээр:
  • "Мөрдөн шалгах ажиллагааны явцад амь хохирогч Б галт зэвсэг эзэмших сургалтад хамрагдсан, галт зэвсэг худалдаж авсан нь тогтоогдож байна"
  • Зүүн дөрвөн замаас Халдвартын уулзвар хүртэлх замын хөдөлгөөнийг өнөөдөр 23:00 цагт нээнэ
  • Туркийн Истанбул хотод суух Ерөнхий консул Д.Анхбаяр үүрэгт ажилдаа оржээ
БНСУ, Япон улс руу 300 гаруй хүн хөдөлмөр эрхлэхээр зуучлуулжээ
2 долоо хоног өмнө   146
Манай улсаас энэ оны эхний улиралд хөдөлмөрийн гэрээгээр цалин хөлстэй ажил эрхлэхээр БНСУ руу 312, Япон улс руу 12, нийт 324 хүн зуучлуулжээ.
 
Энэ нь өмнөх улирлынхаас 62 (23.7 хувь) хүнээр нэмэгдсэнийг Үндэсний статистикийн хороо мэдээлсэн байна.
 
Хөдөлмөрийн гэрээгээр цалин хөлстэй ажил эрхлэхээр зуучлуулсан иргэдийн 258 (79.6 хувь) нь эрэгтэй, 66 (20.4 хувь) нь эмэгтэй юм. Тэдний олонх нь буюу 34 хувь нь 25-29 насныхан байсан бол 40-44 насныхан 2.5 хувийг эзэлж байв.
 
Дээрх иргэдийн 260 (80.3 хувь) нь бүрэн дунд, 49 (15.1 хувь) нь бакалавр, дипломын, 11 (3.4 хувь) нь техник, мэргэжлийн, 2 (0.6 хувь) нь тусгай мэргэжлийн дунд боловсролтой бөгөөд 314 (96.9 хувь) хүн боловсруулах үйлдвэрлэл, 8 (2.5 хувь) нь хүний эрүүл мэнд, нийгмийн халамжийн, нэг (0.3 хувь) нь барилга, нэг (0.3 хувь) нь хөдөө аж ахуй, ойн аж ахуй, загас барих, ан агнуурын салбарт ажил эрхлэх аж. 
БНСУ, Япон улс руу 300 гаруй хүн хөдөлмөр эрхлэхээр зуучлуулжээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0