Цөөн үгээр:
  • Импортолсон амны хаалтны хэмжээ 17.5 саяд хүрэв
  • Цар тахлын хүндрэлийг давахаар ОУВС-аас $100 саяын санхүүжилт авах хэлэлцээр хийжээ
Лионель Месси “COVID-19” цар тахалтай тэмцэж буй эмнэлгүүдэд хагас сая евро хандивлажээ
3 долоо хоног өмнө   149
   Аргентины хөлбөмбөгчин Лионель Месси “COVID-19” цар тахалтай тэмцэж буй улсынхаа эмнэлгүүдэд туслалцаа үзүүлэх үүднээс хагас сая евро хандивласан байна.
 
Буэнос-Айрес хотод төвтэй “Casa Garrahan” сангийн мэдээлснээр, 540 мянга орчим ам.долларын хандивыг эмнэлгийн ажилтнуудад хамгаалалтын хэрэгсэл худалдан авахад зориулах ажээ. “Аргентинчуудын эрүүл мэндийн төлөө үргэлжлүүлэн тэмцэх нөхцөлөөр хангасанд маш их баяртай байна” гэж тус сангийн дарга Силвиа Кассаб мэдэгджээ.
 
Мөн Л.Мессигийн хандиваар Санта-Фе, Буэнос-Айрес мужийн эмнэлгүүдэд шаардлагатай тоног төхөөрөмж, хэрэгслүүдийг ойрын хугацаанд хүргэх ажээ. Л.Месси, Барселона клубийн тоглогчид өнгөрсөн дөрөвдүгээр сард цалингаа 70 хувиар бууруулсны зэрэгцээ цар тахлын улмаас тэмцээнүүд зогссон энэ үед клубийн ажилтнуудыг цалингаа бүрэн авах нөхцөлөөр хангахын тулд илүү их хувь нэмэр оруулахаа амласан байна. 
 
Эх сурвалж: Xinhua
 
 
Лионель Месси “COVID-19” цар тахалтай тэмцэж буй эмнэлгүүдэд хагас сая евро хандивлажээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0