Цөөн үгээр:
  • "Morningstar" хамтлагийн гоцлол дуучин Б.Аззаяад хар тамхины хэргээр нэг жилийн хорих ял оноожээ.
  • “Охидын чимээ” өсвөр насны охидод зориулсан арга хэмжээ зохион байгуулагдлаа
Уханийн удирдлагууд коронавирусний дэгдэлтийн цар хүрээг нуун дарагдуулсан
4 жил өмнө   357
Коронавирусний халдвар анх дэгдсэн Ухань хотын эрх баригчид эхэндээ халдварын тархалтын бодит цар хүрээг нуухыг оролдсон гэж уг вирустэй тэмцэх асуудлаарх БНХАУ-ын Засгийн газрын тэргүүлэх зөвлөх Жун Наньшань "CNN" телевизэд ням гарагт ярилцлага өгөхдөө мэдэгдэв.
 
“Тухайн үед хотын удирдлагууд үнэнийг хэлэхийг хүсээгүй” гэж тэрбээр онцлон тэмдэглэсэн байна. “Тэд бүр анхнаасаа чимээгүй байсан, харин би тухайн үед халдвар авсан хүмүүсийн бодит тоо тэдний мэдээлж байснаас илүү гэж хэлэх байсан” гэж тэрбээр нэмж хэлжээ.
 
Халдварт өвчин судлаачийн хэлснээр, Уханьд илэрсэн коронавирусний халдварын тохиолдлын тоо 10 хоногийн турш ижил түвшинд байхад халдвар аль хэдийнэ Хятадаас гадна тархаад эхэлчихсэн байсан нь түүнд сэжиг төрүүлсөн байна. Үүнээс гадна, дэгдэлтийг судлахаар нэгдүгээр сарын 18-нд Ухань хотод биечлэн очиход нь бодит байдал эрх баригчдын мэдээлснээс хавьгүй хүнд байгаа гэж орон нутгийн олон эмч нар түүнд анхааруулж байжээ.
 
“Би албан ёсны мэдээлэлд итгээгүй. Тиймээс удирдлагуудаас бодит тоо баримтыг өгөхийг хүссэн. Тэд миний хүсэлтэд хариу өгөх маш дурамжхан байсан” гэж Жун Наньшань хэлсэн байна. 
 
“CNN” телевизээр мэдээлснээр, Жун Наньшань нь шинэ төрлийн коронавирус хүнээс хүнд халдварладаг гэдгийг нэгдүгээр сарын 20-нд Хятадын төв телевизээр /CCTV/ анх мэдэгдсэн хүмүүсийн нэг юм. Харин Уханийн эрх баригчид эсрэгээр нь мэдэгдэж байжээ.
Уханийн удирдлагууд коронавирусний дэгдэлтийн цар хүрээг нуун дарагдуулсан
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0