Нийслэлийн Засаг даргын А/388 дугаар захирамжийн дагуу хотын өнгө үзэмжийг гутаасан стандарт бус гарааш, хайсуудыг буулгасаар байна. Тодруулбал, 188 байршилд 4860 гарааш буулгах учиртай. Өнөөдрийн байдлаар 2073 гарааш буулгаад буй.

АРААШ БУУЛГАХ, ГАЗРЫН ЗӨРЧИЛ АРИЛГАХ АЖЛЫН ЯВЦ 42.6 ХУВЬТАЙ БАЙНА

Нийслэлийн Газар зохион байгуулалтын албаны Кадастрын хэлтсийн дарга Ж.Гал “Нийслэлийн Засаг даргын захирамжийн хүрээнд энэ жил 188 байршилд 4860 гарааш буулгахаар төлөвлөсөн. Өнөөдрийн байдлаар 42.6 хувь буюу 2073 гарааш буулгасан байна. Тухайн 188 байршилд Хот байгуулалт, хөгжлийн газраас тохижилтын А даалгаврыг баталсан. Түүнчлэн ямар тохижилт хийх талаар иргэдээс санал, хүсэлт хүлээн авч, байршил бүрд өөр өөр тохижилтын ажил хийхээр төлөвлөн ажиллаж байна” гэж мэдээллээ.