Сонгинохайрхан дүүргийн нутаг дэвсгэрт зуслангийн байр руугаа явж байсан иргэдийг заналхийлэн барьцаалж, их хэмжээний мөнгө сүрдүүлэн авахыг завдсан ноцтой гэмт хэргийг цагдаагийн байгууллагаас шуурхай илрүүлэн шалгаж байна.

 

Хэрэг явдлыг тодруулбал, иргэн Б.Д, Н.У нар энэ сарын 9-ний өдөр “Мерседес-Бенз” маркийн автомашинаараа зуслан руугаа явж байх үед нь хоёр этгээд хутга тулган сүрдүүлж, барьцаалсан байна. Гэмт этгээдүүд тэдний амь насанд халдахаар заналхийлж, улмаар 1.3 тэрбум төгрөг буюу 300 мянган ам.доллар болон түүнтэй тэнцэх хэмжээний юань авахыг шаарджээ.

 

 

Ар гэр болон хохирогчдоос ирсэн мэдээллийн дагуу цагдаагийн байгууллагаас тусгай шуурхай ажиллагаа явуулж, гэмт хэрэгтнүүдийн үйлдлийг таслан зогсоон, барьцаалагдсан иргэнийг эсэн мэнд суллан авсан байна.

 

Уг хэргийг үйлдсэн 35 настай хоёр этгээдийг Цагдан хорих 461 дүгээр ангид хойшлуулшгүйгээр саатуулсан бөгөөд ЦЕГ-ын Зохион байгуулалттай гэмт хэрэгтэй тэмцэх хэлтсээс мөрдөн шалгах ажиллагааг үргэлжлүүлж байна.

Эхнэрийг нь барьцаалж 1.3 тэрбум төгрөг нэхжээ