Нийслэлийн Газар зохион байгуулалтын албанаас энэ сарын 7-нд Газар эзэмшүүлэх, ашиглуулах эрхийн дуудлага худалдаа зохион байгууллаа.

Нийслэлийн 11 байршлын газрыг дуудлага худалдаанд оруулахаар зарласнаас 7 байршилд нь 16 иргэн, аж ахуйн нэгж оролцжээ. Ингээд доорх долоон байршилд газар дуудлагаар худалдаж, нийслэлийн төсөвт 165.3 сая төгрөг төвлөрүүлэх болсон байна.

Үүнд:

Үүрэн холбооны станцын зориулалтаар:

• Баянзүрх дүүргийн 20 дугаар хорооны Баяндөхөмийн аманд 0.01 га,
• Сүхбаатар дүүргийн 20 дугаар хорооны Хадатын аманд 0.01 га,
• Чингэлтэй дүүргийн 19 дүгээр хорооны Жигжидийн зуслан орчимд 0.01 га,

Худалдаа үйлчилгээний зориулалтаар:

• Хан-Уул дүүргийн 21 дүгээр хороо, Төв аймаг явах замын баруун талд 0.2 га,

Жижиг дунд үйлдвэрлэлийн зориулалтаар:

• Багануур дүүргийн 2 дугаар хорооны Жижиг дунд үйлдвэрийн бүст 0.25 га,

Үйлдвэрлэлийн зориулалтаар:

• Багахангай дүүргийн 2 дугаар хорооны Үйлдвэрлэлийн бүс, хими-1-т 3.0 га,
• Налайх дүүргийн 5 дугаар хорооны Гандан уулын урд талд 0.5 га газар