Белорусь улсад зохион байгуулагдаж байгаа "Мэргэн буудагчийн зааг" олон улсын тэмцээнд манай Зэвсэгт хүчний мэргэн буудагч нар маань амжилттай оролцож 18 улсаас 5 байрт шалгарлаа. 1-р байрт Белорусь, 2-р байрт Казакстан, 3-р байрт ОХУ, 4-р байранд Хятад улсын мэргэн буудагч нар шалгарчээ. Сонирхуулахад тус тэмцээнд бусад улсын байнгын бэлтгэлтэй мэргэн буудагч нар жилийн турш өдөр бүр буудаж, гүйж бэлтгэл хийдэг мэргэжлийн хүмүүс ордог бол манай залуус дунд багш, салааны захирагч, салааны захирагчийн орлогч, холбоочин, гранатомётчин албан тушаалтнуудыг сонгож шалгаруулж оролцдог бол тэдгээр мэргэжлийн мэргэн буудагч нартай эн тэнцэхүйц залуусыг богино хугацаанд сайн бэлтгэсэн хурандаа С.Түвшинбаяр (райнжeр), сайн зохион байгуулсан ЦЗХ-ийн дарга хурандаа Б.Хадбаатар, ахлах дэслэгч Б.Энхмагнай нараараа бахархахгүй байхын аргагүй.

Эх сурвалж: Дэд хурандаа П.Чинзориг