Олон улсын жүдо бөхийн холбооны хамгийн чухал тэмцээнүүдийн нэг болох Дюсселдорфын Их дуулга өчигдөр 3 дахь өдрөө үргэлжиллээ.
Тус тэмцээнд 65 орны 400 гаруй эрэгтэй, эмэгтэй жүдоч 13 жинд хүч үзсэн байна.
Тэдний дундаас эрэгтэйчүүдийн +100 кг жингийн барилдаан олны гайхширлыг төрүүлэхээр болж өнгөрчээ. Учир нь финалд шалгаран барилдсан Японы хоёр тамирчин Этоаяшита Харуман, Такэши Олитани нарыг хоёуланг нь идэвхигүй барилдлаа гэж үзэн 3 торгуулиар хасчээ.
Гондурас шүүгч Хосе Ордонзын энэхүү шийдвэрийг олон хүн гайхаж байсан ч 2 бөх үнэхээр л идэвхигүй барилдаж, хэн хэн нь мэх хийгээгүй учраас эсэргүүцэх үндэсгүй байлаа.
Ингээд 2 тамирчинд хоёуланд нь мөнгөн медаль гардуулж өгсөн юм.
Олимпийн оноо цуглуулах Дюсселдорфын Их дуулга тэмцээнд манай тамирчдаас Б.Эрхэмбаяр, Г.Алтанбагана, Л.Энхрийлэн, Б.Ганхайч нар хүрэл медаль авснаар Монгол улс 16-р байранд жагсчээ.
| +100 кг жингийн барилдаан алтан медалгүй өндөрлөжээ |
Өнөөдөр улстөрчдийн ажлаа өгөх өдөр үү
Нэг тоглолтод хоёр өөр багийн төлөө талбайд гарсан NBA-ийн цорын ганц тоглогчийн түүх
Ерөнхийлөгчийн сонгуульд нэр дэвшигчийг ард түмнээс асууж тодруулна
Нийслэлийн МАН-ын хорооны даргаар Б.Пүрэвдагвыг сонголоо