Цөөн үгээр:
  • Оросын цорын ганц тээвэрлэгч хөлөг найдваргүй болсон тул Хятадаас хуучин хөлөг авах асуудал яригдаж эхлэв
  • Малаа хотлуулах гэж гараад төөрсөн зургаан настай хүүхдийг эсэн мэнд олжээ
АНУ-д болох оюутны дэлхийн Өвлийн наадамд манай тамирчид тэшүүрийн шорт трекийн төрлөөр оролцоно
2 сар өмнө   67
2023 оны нэгдүгээр сарын 12-22-ны хооронд АНУ-ын Нью Йорк мужийн Лэйк Плесид хотноо болох оюутны дэлхийн Өвлийн наадамд Монголын Оюутны Спортын Холбоо хоёр төрлөөр оролцохоор болжээ.
 
Тодруулбал манай улсаас тэшүүрийн шорт трекийн Үндэсний шигшээ багийн дасгалжуулагч Б.Бат-Оргил, тамирчин Б.Гэрэлтуяа, Г.Мөнх-Эрдэнэ, Э.Мөнх-Эрдэнэ нар оролцох юм.
 
Тэшүүрийн шорт трекийн үндэсний шигшээ багийг нэг дасгалжуулагч, хос тамирчинтайгаар бүрдүүлжээ.
 
Тэд Степпе Арена мөсөн өргөөнд бэлтгэл сургуулилалтаа хийж байгаа аж.
 
Уг наадамд нийт 50-аад орны 2,500 орчим тамирчин, 1,500-3,000 сайн дурынхан, спортын 12 төрлөөр 17-25 насны оюутан залуучууд оролцох юм байна.
 
Цаашид 2026 онд Италийн Милан, Кортинад болох Өвлийн олимпын XXV наадамд тэшүүрийн шорт трекийн төрлөөр эрх авч оролцох, 2024 онд БНСУ-ын Кангвон мужид болох Залуучуудын өвлийн олимпод Монголын хүүхэд, залуучуудаа түүхэндээ анх удаа тэшүүрийн шорт трекийн төрлөөр эрх авч оролцуулах зорилго тавьжээ.
АНУ-д болох оюутны дэлхийн Өвлийн наадамд манай тамирчид тэшүүрийн шорт трекийн төрлөөр оролцоно
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0