Адриатын тэнгист аялж явсан онгоцноос унасан британи эмэгтэйг шөнийн турш буюу 10 цаг орчим хөвснийх нь эцэст Хорватын эргийн хамгаалалтын албаныхан аварсан талаар “CNN” агентлаг мэдээлжээ.

Өөрийгөө Кей хэмээн хэлсэн, 46 настай сайхь эмэгтэй газар дээр буцаж ирснийхээ дараа Хорватын HRT мэдээллийн радио станцынхантай ярилцсан байна. Тэрбээр "Би "Норвегийн одод" усан онгоцноос унаж, усанд 10 цагийн турш хөвсөн. Азаар энэ гайхалтай залуус намайг аварлаа. Би амьд байгаадаа үнэхээр их аз жаргалтай байна" хэмээн ярьжээ.

Дараа нь түүнийг эмнэлгийн ажилтнууд "яаралтай тусламж" руу авч явсан байна. Норвегийн "Cruise lines"-ийн хэвлэлийн төлөөлөгчийн мэдээлснээр, "Норвегийн одод" усан онгоц наймдугаар сарын 19-ний өглөө зорчигчдоо суулган, Венецийг зорьжээ.

Эргийн хамгаалалтынхан эмэгтэй унасныг мэдсэн даруй эрэн хайх ажиллагаа зохион байгуулсан байна. Тэд "Бид зорчигч амьд байгаад их баяртай байна. Зорчигчийн биеийн байдал тогтвортой байгаа бөгөөд түүнийг Хорватын эрэг рүү дараачийн эмчилгээнд хамруулахаар хүргэсэн. Бүсгүй одоо аюулгүй, удахгүй найз нөхөд, гэр бүлийнхэнтэйгээ уулзах учраас бид маш их баяртай байна" гэжээ.