АНУ  Хятадын бараа бүтээгдэхүүнд дахин 16 тэрбумын татварын нэмэгдэл ногдуулах шийдвэр гаргалаа. Хятадын зүгээс ч АНУ-ын авч буй арга хэмжээг яг адилхан байдлаар эргүүлэн татвар ногдуулж эхэлсэн байна. Өнгөрсөн долдугаар сард АНУ-ын ерөнхийлөгч Дональд Трамп Хятадын бараа бүрээгдэхүүнд нийт 500 тэрбум ам.долларын татварын нэмэгдэл ногдуулахаар зарласан.

АНУ-ын засаг захиргаа Хятадаас оруулж ирж буй бараа бүтээгдэхүүний 16 тэрбум ам.доллар тутамд нэмэлт татвар ногдуулах шийдвэрийг  Бээжингийн цагаар пүрэв гарагийн 12:00  цагт хүчин төгөлдөр хэрэгжүүлэхээр болсон байна.  БНХАУ-ын химийн бүтээгдэхүүн, хөдөө аж ахуйн тоног төхөөрөмж, мотоцикл болон антен гээд 280 гаруй бүтээгдэхүүнд 25 хувийн татвар ногдуулах ажээ.

БНХАУ үүний хариуд АНУ-аас импортолдог 16 тэрбум ам.долларын үнэ бүхий нүүрс, эмнэлгийн хэрэгсэл, машин, автобус зэрэг бараа бүтээгдэхүүнд мөн адил 25 хувийн татвар ногдуулахаар болсон байна.

Эх сурвалж: BBC