Өнгөрсөн долоо хоногт Парист болсон эсэргүүцлийн жагсаалын үеэр жагсагчид цагдаагийн болон энгийн иргэдийн машин, мотоцикл гэх мэт өмч хөрөнгийг галдан шатааж, үймээн дэгдээсэн билээ.  

Францын ерөнхий сайд Эдуард Филипп өнгөрсөн долоо хоногт тус улсын засгийн газрыг эсэргүүцэж, үймээн дэгдээсэн жагсагчдад хуулийн дагуу хариуцлага тооцохыг холбогдох байгууллагад үүрэг болгосон байна. Түүнчлэн жагсаал, цуглаан, эсэргүүцлийг зохицуулах тухай хуулийн шинэчилсэн найруулгыг батлахаар болсон аж.

Мөн францын ерөнхий сайд Эдуард Филипп “ Хэрэв эсэргүүцлийн жагсаал үргэлжилсэн хвээр байвал арга хэмжээ авч, аюулгүй байдлыг хангах үүднээс 80.000 гаруй цэргийг хамгаалалтанд гаргана” гэв.

Одоогоор, гудамжинд өрнөсөн үймээн самууныг намжаахаар ажиллаж байсан тусгай хүчнийхэн францын засгийн газрын байрыг хамгаалалтанд аваад байгаа юм.

 

Эх сурвалж: BBC.mn

 

 

Ц.ОРГИЛ

Францын ерөнхий сайд үймээн дэгдээсэн жагсагчдад шийтгэл оногдуулахыг үүрэг болголоо