Шинэ коронавирусний халдварын улмаас хэрэглэгчид зарим бараа бүтээгдэхүүнийг олноор нөөцөлж эхэлсэнтэй холбогдуулан, жижиглэн худалдааны томоохон компаниудын нэг болох “Tesco” үндсэн хэрэглээний хүнс, гэр ахуйн бүтээгдэхүүнүүдийн худалдааг хязгаарлаж эхэлжээ.

Шинэ дүрмийн дагуу гар ариутгагч шингэн, салфетик, цацлага болон гоймон, сүү, дарсан хүнсний ногоо зэрэг бүтээгдэхүүнийг таваас илүү ширхэгээр худалдан авах боломжийг хязгаарласан байна.

“Retail Economics” байгууллагын судалгаанд дурдсанаар, дэлгүүрээр үйлчлүүлсэн 2000 хүний мэдээллээс үзэхэд Их Британийн худалдан авагчдын 10 хүн тутмын 1 нь бараа бүтээгдэхүүнийг нөөцөлж буй нь ажиглагджээ. Харин "Cardiff" бизнесийн сургуулийн доктор Андрей Поттер хэлэхдээ, одоогоор дэлгүүрүүдийн лангуу хоосорч болзошгүй хэдий ч хэдхэн долоо хоногийн дараа дахин дүүрэх бөгөөд одоогийн хомсдол түр зуур үргэлжилнэ гэж ВВС агентлагаас мэдээллээ.