ОХУ, АНУ цаашид бие биедээ харилцан хүмүүнлэгийн тусламж үзүүлсээр байна гэдэгт итгэлтэй байгаагаа АНУ-ын эрх баригчид илэрхийлжээ.

 

“Хямралын үеүдэд талууд бие биедээ харилцан хүмүүнлэгийн тусламж үзүүлж байсан бөгөөд цаашид ч ийм байх нь эргэлзээгүй юм. Энэ үе бол бидний амьдралд аюул учруулж буй дайсантайгаа тэмцэхийн тулд хамтран ажиллах ёстой үе юм” хэмээн АНУ-ын Төрийн департаментын хэвлэлийн албаны дарга Морган Ортэгус мэдэгджээ. Эмнэлгийн тоног төхөөрөмж ачсан онгоц ОХУ-аас Нью-Йорк муж улсын нисэх онгоцны буудалд газардсантай холбогдуулан тэрбээр ийнхүү мэдэгдсэн байна.

 

“Их-20 бүлгийн орнууд коронавирусийг ялах зорилгодоо хүрэхийн тулд хамтран ажиллахаар өнгөрсөн долоо хоногт тохиролцсон. Түүнчлэн нэн шаардлагатай байгаа эмнэлгийн тоног төхөөрөмжөөр нэгнээ хангахын тулд нягт хамтран ажиллахаар тохиролцсон” хэмээн Ортэгус мөн хэлсэн байна.  

 

Эх сурвалж: ИТАР-ТАСС агентлаг

ОХУ, АНУ харилцан хүмүүнлэгийн тусламж үзүүлнэ гэдэгт итгэлтэй байна гэв