Турк улс “COVID-19”-ийн эсрэг Оросын вакциныг худалдаж авахаас татгалзсан тухай тус улсын телевизийн “Haberturk” суваг мэдээлэв.

 

Туркийн Эрүүл мэндийн сайд Фахреттина Кожагийн хэлснээр, тус яам Оросын вакциныг лабораторийн практикт тохиромжгүй гэж үзсэн байна. “Асуудлын гол нь Оросын вакцин GLP /Good laboratory practice/ буюу Лабораторийн зохистой дадлын шаардлагад нийцэхгүй байгаа юм. Тиймээс бид татгалзсан” гэж Кожа мэдэгджээ.

 

ОХУ-ын Ерөнхийлөгчийн хэвлэлийн нарийн бичгийн дарга Дмитрий Песков Турк “Sputnik V” вакциныг нь худалдаж авахаас татгалзсантай холбогдуулан тайлбар хийхдээ, Оросын вакцин аюулгүй, үр дүнтэй болохыг туршилтуудынх нь үр дүн нотолж байгаа бөгөөд цар тахалтай тэмцэхэд гарцаагүй чухал үүрэг гүйцэтгэнэ гэж  мэдэгдсэн байна.

 

Эх сурвалж: Sputnik

Турк улс Оросын вакцинаас татгалзжээ