КИЕВ. Германы Канцлер Фридрих Мерцийг Украинд урьдчилан зарлаагүй гэнэтийн айлчлал хийх үеэр буюу 10 дугаар сарын 4-ний өдөр ОХУ-ын зэвсэгт хүчин Украины нийслэл Киев хотын Днепр мөрөн дээгүүрх стратеги болон дэд бүтцийн чухал холбоос болох Хойд гүүр (Pivnichnyi Bridge) рүү дроноор цохилт өгсөн байна.

 

Канцлерыг Киевт хүрэлцэн ирснээс хэдхэн цагийн дараа тус халдлага болсон бөгөөд хотод агаарын довтолгооноос сэрэмжлүүлэх дохио тасралтгүй дуугарч, агаарын довтолгооноос хамгаалах системүүд ажиллажээ. ОХУ сүүлийн өдрүүдэд Киевийн баруун, зүүн эргийг холбосон гол гүүрнүүд болон эрчим хүчний дэд бүтэц рүү чиглэсэн агаарын цохилтуудаа эрчимжүүлээд байгаа юм.

 

Халдлагын үеэр Фридрих Мерц Украинтай эв санааны нэгдэлтэй байгаагаа илэрхийлж, Ерөнхийлөгч Володимир Зеленскийтэй уулзан 1.35 тэрбум еврогийн цэргийн болон санхүүгийн тусламжийн шинэ багцыг зарласан байна. Тэрээр агаарын довтолгооныг бут цохиж, ард иргэдийг хамгаалахад шаардлагатай агаарын довтолгооноос хамгаалах зэвсэглэлийг үргэлжлүүлэн нийлүүлэхээ мэдэгдлээ.

Германы Канцлерын айлчлалын үеэр Оросын тал Киевийн гүүрэнд цохилт өгчээ