Цөөн үгээр:
  • ДЭМБ: Дэлхий дахинд өндөр даралттай хүмүүсийн тоо 1.4 тэрбумд хүрчээ
  • АН-ын дарга О.Цогтгэрэл: Ноцтой мэдээлэл үнэн бол УИХ-ын дарга хуулийн хариуцлага хүлээх ёстой
  • Ипотекийн зээл авах 4.9 их наяд төгрөгийн шийдвэрлэгдээгүй хүсэлт хуримтлагджээ
“ХОВОР АМЬТАН АГНАХ, БАРИХ ТУСГАЙ ЗӨВШӨӨРӨЛ ОЛГОХ ЖУРАМ”-д нэмэлт, өөрчлөлт оруулах журмын төслийг хэлэлцлээ
4 жил өмнө   1613
Монгол Улсын Засгийн газрын 2013 оны 03 дугаар сарын 16-ны өдрийн “Журам батлах тухай” 93 дугаар тогтоолын хоёрдугаар хавсралтаар батлагдсан “Ховор амьтан агнах, барих тусгай зөвшөөрөл олгох журам”-д нэмэлт, өөрчлөлт оруулах журмын төсөлд санал авах хэлэлцүүлгийг зохион байгууллаа.
 
Энэхүү журамд зарчмын хэд хэдэн өөрчлөлтүүдийг оруулж байгаа бөгөөд гадаадын анчдад зуучлагч байгууллагыг хасаж, агнуурын бүс нутгийн менежмент хариуцагч болон судлаачдын эрх, үүргийг илүү тодорхойлж өгсөн. Мөн түүнчлэн уг журмаар зохицуулагдаж буй Ан агнах тусгай зөвшөөрлийг төрийн үйлчилгээг иргэдэд түргэн шуурхай хүндрэлгүй хүргэх зорилгоор цахимжуулах томоохон өөрчлөлтийг тусгаж өгсөн байна.
 
Хэлэлцүүлэгт тусгай сонирхлын ан агнуур, аялал жуулчлалын чиглэлээр үйл ажиллагаа эрхэлж буй 30 гаруй байгууллагын төлөөллүүд оролцлоо.
 

“Ховор амьтан агнах, барих тусгай зөвшөөрөл олгох журам”-д нэмэлт, өөрчлөлт оруулах саналыг аж ахуй нэгжүүд дэмжиж байлаа. Цаашид БОАЖЯ-наас хэрэгжүүлж буй цөлжилт, газрын доройтлыг буруулах, зэрлэг амьтныг хамгаалах ажилд нийгмийн хариуцлагын хүрээнд идэвхтэй оролцон хамран ажиллах саналтай байгаагаа зарим төлөөллүүд илэрхийлэв.

“ХОВОР АМЬТАН АГНАХ, БАРИХ ТУСГАЙ ЗӨВШӨӨРӨЛ ОЛГОХ ЖУРАМ”-д нэмэлт, өөрчлөлт оруулах журмын төслийг хэлэлцлээ
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0