Монгол улс, БНХАУ, ОХУ-ын аялал жуулчлалын сайдын нарын хэлэлцээрээр “Цайны зам” аялал жуулчлалын хөтөлбөр хэрэгжиж эхэлсэн байдаг. Энэ дагуу БНХАУ-аас эхний ээлжийн 400 жуулчин Монгол улсад ирж аялаад буцсан байна. Тэгвэл дараагийн буюу хоёрдугаар ээлжийн 400 жуулчин маргааш ирэх гэнэ.

БНХАУ-ын жуулчдыг Улаанбаатар хоттой танилцуулж, Тэрэлж, Цонжин болдог, Аглаг бүтээлийн хийд зэрэг дурсгалт газруудыг үзүүлэхээс гадна амралтын өдөр болох Даншиг наадмыг сонирхуулахаар төлөвлөжээ.

Ирэх саруудад Монгол Улс “Цайны зам” хөтөлбөрийн хүрээнд БНХАУ-аас гурав дах ээлжийн 400 жуулчин ирнэ. Хятад жуулчдын худалдан авах чадамж өндөр, аялсан орнуудаасаа худалдан авалт ихээр хийдэг учир эдийн засагт сайнаар нөлөөлдөг” хэмээн албаны хүн онцлов. Мөн ОХУ-ын жуулчдыг татахын тулд “Цайны зам” хөтөлбөрийн хүрээнд эргэн дурсахуй нэртэй Монгол улсад социализмын үед амьдарч байсан Орос хүмүүст зориулсан хөтөлбөр хэрэгжүүлж эхэлсэн.

Ц.ОРГИЛ