АНУ-ын цэргүүд Лхагва гаригт /2026.01.07/ Хойд Атлантын далайд Венесуэльтэй холбоо хамаарал бүхий газрын тосны танкерыг хураан авчээ. Эргийн харуулууд хөлгийг хэдэн долоо хоногийн турш мөрдөж байсан гэдгийг АНУ-ын Дотоодын аюулгүй байдлын сайд Кристи Ноэм хэлжээ. Тус хөлөг нь Оросын далбаатай байсан боловч зориуд нэр, далбаагаа өөрчилсөн байсан бололтой.

 

ОХУ тус танкерыг хамгаалахын тулд шумбагч онгоцоо байрлуулсан байна. Гэхдээ АНУ танкерыг хураан авах үед ойролцоо нь Оросын хөлөг онгоц байгаагүй тул аливаа мөргөлдөөн гарах магадлал багасчээ.

 

Оросын Тээврийн сайд энэ үйлдлийг буруушааж байна. Аль ч улс бусад улсын харьяалалд бүртгэлтэй хөлөг онгоцны эсрэг хүч хэрэглэх эрхгүй гэсэн байр суурийг тэр илэрхийлжээ.

 

Харин АНУ-ын Батлан хамгаалахын сайд Пит Хегсэт “Хориг арга хэмжээ авсан, эсвэл хууль бус тээвэрлэлтийг дэлхийн хаана ч байсан таслан зогсооно” гэжээ.

АНУ-ын хүчин газрын тосны хоёр танкерыг хураан авсны нэг нь Оросын далбаатай байжээ