Цөөн үгээр:
  • С.Зориг агсны амиа алдсан хэргийг нууцаас гаргахыг шаардаж, ҮАБЗ-д хандана
  • Ачит Ихт” ХХК 34 хувиа эзэмшүүлэхэд бэлэн
БНСУ-ын ЭКСИМ банктай хамтран хэрэгжүүлэх төслийн хуралдааны тэмдэглэлийг албажуулав
4 жил өмнө   502

Монгол Улсын Засгийн газрын тэргүүлэх бодлого, чиглэлийн нэг болох Улаанбаатар хотын агаар, хөрс, усны бохирдлыг бууруулах, иргэдийг төлбөрийн чадварт нийцсэн орон сууцаар хангах зорилт, арга хэмжээний хүрээнд Хан-Уул дүүргийн 21 дүгээр хороонд 5002 айлын түрээсийн бөгөөд төлбөрийн чадварт нийцсэн орон сууцны Солонго-1, Солонго-2 хорооллын төслийг БНСУ-ын Засгийн газрын Эдийн засгийн хөгжлийн хамтын ажиллагааны сангийн агентлаг болох Экспорт-Импорт банк (ЭКСИМ)-ны хөрөнгө оруулалтаар хэрэгжүүлэхээр 2019 оны эхний улирлаас хойш хэлэлцэж байгаа билээ.

Өнгөрсөн хугацаанд Монгол Улсын Сангийн яам, Барилга, хот байгуулалтын яам, “Төрийн орон сууцны корпораци” ТӨХХК /ТОСК/, Солонгосын ЭКСИМ банкны төлөөлөгчтэй хийсэн хэд хэдэн удаагийн уулзалтаар төслийн хүрээнд хамтран хэрэгжүүлэх ажлуудаа ярилцаж, тохиролцсныг Талууд хуралдааны тэмдэглэлд албажуулав.

Уг тэмдэглэлд Сангийн яамны Төрийн нарийн бичгийн дарга С.Наранцогт, Барилга, хот байгуулалтын яамны Төрийн нарийн бичгийн дарга С.Магнайсүрэн, БНСУ-ын Засгийн газрын Эдийн засгийн хөгжлийн хамтын ажиллагааны сангийн агентлаг болох Экспорт-Импорт банкны Ази хариуцсан захирал Кү Боньюн нар гарын үсэг зурав.

Уг тэмдэглэлийг албажуулснаар хоёр орны Засгийн газар хооронд байгуулах хэлэлцээрийг урагшлуулахад дэмжлэг болж, суурь баримт бичгийг бүрдүүллээ.

 

БНСУ-ын ЭКСИМ банктай хамтран хэрэгжүүлэх төслийн хуралдааны тэмдэглэлийг албажуулав
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0