Монгол Улс саарал жагсаалтад орсонтой холбоотойгоор Санхүүгийн зохицуулах хорооны дарга, Монголбанкны ерөнхийлөгч нарт хариуцлага тооцох асуудлыг улс төрийн төвшинд ярьж байсан. Тэгвэл үүссэн нөхцөл байдалтай холбогдуулан  СЗХ-ны дарга С.Даваасүрэн үүрэгт ажлаас чөлөөлөгдөх өргөдлөө өгсөн билээ. Энэ долоо хоногийн хэлэлцэх жагсаалтад орсны дагуу УИХ-ын Эдийн засгийн байнгын хорооны хуралдаанаар дээрх хоёр байгууллагын удирдлагыг ажлаас чөлөөлөх асуудлыг хэлэлцлээ.

Байнгын хорооны хуралдаанаар СЗХ-ны дарга С.Даваасүрэн, Монголбанкны ерөнхийлөгч Н.Баяртсайханыг ажлаас чөлөөлөхийг хуралдаанд оролцсон гишүүдийн олонхийн саналаар дэмжлээ. Ажлаас чөлөөлөх асуудлыг УИХ-ын энэ долоо хоногийн нэгдсэн хуралдаанаар хэлэлцэж эцэслэн шийднэ.