Монголын хөл бөмбөгийн холбооноос эрүүл мэнд, онцгой комиссын ажилчид, албан хаагчдад талархал илэрхийллээ. Холбооны албан ёсны Фейсбүүк хуудсанд
"Манай гарагийн мянга мянган хүний аминд хүрсэн аймшигт цар тахлаас Монголын ард түмнээ хамгаалж, эрүүл мэндийн манаанд нойр хоолоо хугаслан зүтгэж яваа бүх эмч сувилагч, онцгой комиссын ажилчид, албан хаагчдадаа нийт хөлбөмбөгчид, дасгалжуулагчид, албаны хүмүүсийн өмнөөс талархал илэрхийлье.
Та бүхэн тахлын эсрэг амь сөрөн зогсож буй жинхэнэ супер баатрууд юм шүү.
Тэдэнд энэ талархал хүртэл түгээе" хэмээн бичсэн бөгөөд МХБХ-ны тоглогч, дасгалжуулагч, албаны хүмүүс алга ташин талархлаа илэрхийлсэн байна.
Б.Сайханчимэг
| МХБХ-оос эрүүл мэнд, онцгой комиссын ажилчдад талархал илэрхийллээ |
|
