Тусгайлан бүтээсэн тансаг зэрэглэлийн барааны сонголт, дээд зэргийн үйлчилгээгээрээ танигдсан “Neiman Marcus Group” дампуурлаа зарлалаа.
Бизнесийн 100 гаруй жилийн түүхтэй тус компани шинэ төрлийн “коронавирус”-ийн хөл хорионоос үүссэн алдагдлыг давж чадалгүй ийнхүү бизнесээ зогсоож байна. Мөн тансаг зэрэглэлийн их дэлгүүрийн сүлжээний бизнесийн өрийн хэмжээ нэмэгдсэн нь нөлөөлжээ.
Дампуурлын эсрэг хамгаалалтад орох хүсэлтэд дурдсанаар “Neiman Marcus”-ийн өр 5.5 тэрбум ам.доллар хүрсэн байна. Жилийн эцэст энэ хэмжээг дөрөв орчим тэрбум ам.доллароор бууруулсан байна гэж тооцоолжээ. Одоо тус компанийн хяналтыг зээлдүүлэгч нар гартаа авах юм. 675 сая ам.долларыг шүүх үйл явцад, харин 750 саяыг бизнесээсээ гарах зардалд зарцуулах юм байна.
Эх сурвалж: Bloombergtv.mn
100 гаруй жилийн түүхтэй “Neiman Marcus Group” дампуурлаа зарлалаа. |
|