Цөөн үгээр:
  • "Morningstar" хамтлагийн гоцлол дуучин Б.Аззаяад хар тамхины хэргээр нэг жилийн хорих ял оноожээ.
  • “Охидын чимээ” өсвөр насны охидод зориулсан арга хэмжээ зохион байгуулагдлаа
Нидерланд: “Ухаалаг хөл хорио” буюу нэг хавьтагчтай байхыг зөвлөлөө
4 жил өмнө   643
Коронавирусийн цар тахлын улмаас дэлхийн олон улс оронд хорио цээрийн дэглэм тогтоож, өөр өөрийн зохиосон дүрэм журмыг хэрэгжүүлж байгаа.
 
Тэдгээрийн дотроос Нидерланд улсын засгийн газраас гаргасан журам хамгийн нарийн, дэлгэрэнгүйд тооцогдож байна. Тус улсын Нийтийн Эрүүл Мэндийн Үндэсний Хүрээлэнгээс гаргасан зөвлөмжид Нидерландын айл өрхүүд нэг дор гурваас дээш тооны зочин хүлээж авахгүй байх, зочидтойгоо 1.5 метрээс илүү ойртохгүй байхыг анхааруулж байв. Гаргасан зөвлөмжөө тус улсын эрх баригчид “ухаалаг хөл хорио” гэж нэрлэжээ.
 
Тэгвэл өнгөрсөн долоо хоногт зөвлөмжөө дахин шинэчлэхдээ ганц бие хүмүүсийн бэлгийн амьдралыг зохицуулах заалт нэмжээ.
 
Ингэхдээ ганц биечүүдэд цар тахлын үеэр зөвхөн нэг хамтрагчтай байхыг зөвлөсөн байна. Олон хүнтэй харилцаатай байх тусам вирус тараах эрсдэл нэмэгдэнэ гэдгийг анхааруулжээ.
 
Үүнээс гадна сонгосон хамтрагч нь коронавирусийн халдвар авсан, тусгаарлагдсан үед яахыг хүртэл зааж өгсөн байна. Тодруулбал “Хэрвээ хамтрагч тань халдвар авсны улмаас тусгаарлагдсан бол бэлгийн харьцаанд орох хэрэггүй. Энэ үед өөрөө өөртэйгээ эсвэл бусад хүмүүстэй зайнаас харилцаж хэрэгцээгээ хангахыг санал болгож байна” гэж Нидерландын засгийн газар зөвлөжээ.
 
 
Нидерланд: “Ухаалаг хөл хорио” буюу нэг хавьтагчтай байхыг зөвлөлөө
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0