Цахим “Багшийн туслах 800” аппликейшн гарлаа

5 жил өмнө 1114

Хуваалцах Жиргэх

Боловсролыг тэгш бус байдлыг арилгах зорилгоор байгуулагдсан “Багшийн туслах 800” аппликейшн 2020 оны 5 сарын 27-29 ны өдрүүдэд Элсэлтийн ерөнхий шалгалт өгөх нийт сурагчдын дунд үндэсний хэмжээний цахим “Их сорилго” зохион байгуулах гэж байна.

Энэ жил ЭЕШ -ийн шалгалт өгөхөөр 30824 хүүхэд бүртгүүлсэн гэсэн тоо баримт байгаа.

Сорилго явуулснаар, сурагчдын ЭЕШ өгөхөөс өмнөх бэлтгэл хангагдсан эсэх, хөл хорионы үед цахимаар бэлдэхийн ач холбогдлыг тандаж мэдэхээс гадна түвшинг тогтоох боломжийг олгож байгаагаараа онцлогтой юм.

Сурагчид ЭЕШ-ын өмнөх “Их сорилго” өгөхдөө орон зай, цаг хугацаанаас үл хамаарч, интернетийн сүлжээтэй гар утас, таблет зэрэг бүхий цахим хэрэгсэл ашиглаж өгөх учраас илүү өргөн хүрээг хамарсан үндэсний хэмжээний үйл ажиллагаа болно гэж зохион байгуулагч талаас үзэж байгаа аж.

Нийт 10 хичээлээр, 3 өдрийн турш зохиогдох энэ сорилгод хүүхэд бүр үнэ төлбөргүй хамрагдах боломжтой бөгөөд сорилгод оролцогчдоос хамгийн өндөр оноо авсан сурагч бүрт супер шагнал болох iWatch бэлэглэх ба нийт шагналын сан 10 сая төгрөг байхаар тогтоосон байна.

Оролцогчдод тавих шаардлага

1. Тус уралдаанд “ЭЕШ-2020”-д бэлдэж байгаа сурагчид оролцох боломжтой.

2. “Багшийн туслах” аппликейшны хэрэглэгч байх.

3. Нэг сурагч 3 болон түүнээс доошгүй хичээл дээр сорилго өгөх.

Зохион байгуулалт:

Уг сорилго нь Математик, Нийгмийн Ухааны Мэдлэг, Англи Хэл, Орос Хэл, Монгол Хэл, Монгол Улсын Түүх, Хими, Биологи болон Газар Зүй гэсэн хичээл дээр тус бүр шалгалт авагдана. Шалгалтын хариу 5-р сарын 31-нд гарах бөгөөд шагналын болзол хангасан сурагчдыг өөрсдийн сошиал хаягаар зарлана.

Бүртгэлийн хугацаа: Сорилго явагдах хичээлийн шалгалт бүрийн өмнө ч бүртгүүлж болно. Тиймээс бүртгэлийн сүүлийн хугацаа 5 сарын 27-29 өдрүүд байна.

Бүртгүүлэх заавар: “Багшийн Туслах” аппликейшныг татаж бүртгүүлээд, үнэ төлбөргүй шалгалтдаа оролцох боломжтой.

Бүртгүүлэх цахим хуудас: www.bagshiintuslah800.mn

Аппликейшн татах линк: app store, play store

Холбоо барих утас: 7810-0800, 8081-8253

Цахим “Багшийн туслах 800” аппликейшн гарлаа

Сэтгэгдэл