МАН-ын Удирдах зөвлөл өнөөдөр хуралдахаар болжээ. Удирдах зөвлөлийн хурлаар ЗТХ-ийн сайд, болон дэд сайд, ТНБД-ын томилгооны асуудлыг хэлэлцэхээр товлоод байгаа аж.

Тус яамны сайдад УИХ-ын гишүүн Я.Содбаатарын нэр, дэд сайдад МАН-ын Нарийн бичгийн дарга Ц.Бат-Энх, УИХ-ын гишүүн асан, БОАЖЯ-ны ТНБД асан Ц.Цэнгэлийн нэр хүчтэй яригдаж байгаа хэмээн эх сурвалж мэдээллээ.

Хэдийгээр ЗТХ-ийн сайд Ж.Бат-Эрдэнэ сайдаас чөлөөлөгдөх хүсэлтээ Ерөнхий сайдад өгч, Ерөнхий сайд У.Хүрэлсүх хүлээн авсан ч түүнийг заавал УИХ-ын чуулганы нэгдсэн хуралдаанаар хэлэлцэж байж чөлөөлөх юм.

Гэхдээ урьдчилсан байдлаар томилгооны асуудлыг хэлэлцэхээр болсон нь энэ юм байна. Харин ЗТХЯ-ны дэд сайдыг Засгийн газар бүрэн эрхийнхээ хүрээнд томилох учиртай.

А.ЦЭЛМЭН