Өнгөрсөн долдугаар сарын 25-нд цэцэрлэгийн бүртгэл эхэлсэн билээ. Элсэлт авах хүүхдийн хяналтын тоо хэтэрсэн цэцэрлэгүүд дээр санамсаргүй түүврийн арга ашиглан хүүхдүүдийг сонгохоор болсон юм. Тиймээс өнөөдөр 10:00 цагаас цахим элсэлтийн дүн гарна. Тодруулбал элсэлтийн хариу нь эцэг, эхчүүдийн бүртгүүлсэн гар утасны дугаарт мессежээр очих юм.  Мөн цахим системийн шалгах цэс рүү нэвтэрч хүүхдийнхээ бүртгэлийн дугаараар цэцэрлэгт тэнцсэн эсэхийг шалгах боломжтой. Хэрэв хүүхэд тань тэнцсэн гэх мессеж ирсэн тохиолдолд  харьяа цэцэрлэг дээр нь очиж бүртгэлээ баталгаажуулах  хэрэгтэй аж.

Ц.ОРГИЛ