Хэнтий аймгийн Батширээт, Биндэр сумын нутагт ОХУ-аас хил даван асаж байгаа ойн түймрийн баруун тал нь Батширээт сумын Турагтхаан уул, Урд тал нь Батширээт сумын Цагаан горхи, Зүүн тал нь Биндэр сумын Амгалантын голын орчимд асаж байна. Тухайн түймэр нь 2019 оны 04 сарын 22 –ны өдрөөс эхлэн асаж байгаа ба одоогоор зүүнээс баруун тийш 15 км, Хойноос урагш 19 км үргэлжлэн нийт 24,0 мян.га орчим талбайг хамраад байна.

 

Түймрийн голомтонд 286 албан хаагч, орон нутгийн иргэд, 28 машин, 30 морь ашиглан ажиллаж байна.

 

Өнөөдөр ОБЕГ –аас 2 албан хаагч, Үндэсний аврах бригадаас 48 албан хаагчийн хамт нисдэг тэргээр ирж байгаа бөгөөд Дорнод, Сүхбаатар аймгийн ОБГ-н албан хаагчид ажиллахаар ирж байна.

 

А.ЦЭЛМЭН

ОХУ-аас хил даван асаж байгаа ойн түймэр нийт 24,0 мян.га орчим талбайг хамраад байна