“Олимп” хотхоны 17 давхраас 29 настай эмэгтэй үсэрч, нас барсан харамсалтай хэрэг өнгөрсөн шөнө гарчээ. Тодруулбал, Нийслэлийн Баянзүрх дүүргийн 26 дугаар  хороонд байрлах  “Олимп” хотхоны 17 дугаар давхрын тагтнаас тус хотхоны оршин суугч 29 настай эмэгтэй үсэрч нас баржээ.

 

Хүн унасан тухай дуудлагыг 06.02-ны өдрийн 23.25 цагт хүлээн авч Нийслэлийн Онцгой байдлын газрын Аврах ангийн долоон алба хаагч, хоёр автомашинтай 13 км зам туулан 23.37 цагт очиход 29 настай эмэгтэй 18 давхар байрны 17 давхраас үсэрч өргөтгөлийн хоёрдугаар давхрын дээвэр дээр унаж нас барсан байжээ.

 

 Хэргийг БЗД-ийн цагдаагийн нэгдүгээр хэлтэст шалгаж байгаа юм байна.

 

Ц.ОРГИЛ

“Олимп” хотхоны 17 давхраас 29 настай эмэгтэй үсэрч, амиа алджээ