Өнгөрсөн бямба гаригт орон даяар зохион байгуулагдсан “Хүүхдийн хүчирхийллийн эсрэг жагсаал”-д нийслэлийн хэмжээнд 30 мянга гаруй иргэд дуу хоолойгоо нэгтгэсэн юм. Тус жагсаалд урлаг соёлынхон, олны танил эрхмүүд идэвхтэй оролцож, харин улстөрчдөөс С.Жавхлан гишүүн ард түмэнтэйгээ хамт эсэргүүцлээ илэрхийлэхээр ирсэн байв.

Улсын ерөнхий прокурорын газраас ирүүлсэн мэдээлэлд дурдсанаар 2015-2016 онд улсын хэмжээнд 298 хүүхэд бэлгийн хүчирхийлэлд өртжээ. Гэвч энэ судалгаа нь зөвхөн хууль хяналтын байгууллагад бүртгэгдсэн тоо баримт юм.  Үүний цаана бидний мэдэхгүй хичнээн хүүхэд бие сэтгэлээрээ хохирч байгааг таашгүй.