Цөөн үгээр:
  • Э.Бат-Амгалан "Хотын дарга болно" гэх мэдээлэл ташаа
  • Энэ онд нийслэлд 30 сургууль, 14 цэцэрлэгийг шинээр барина
Вакцины нөөц хангалттай байгаа
5 жил өмнө   495
Манай улсад коронавирусний эсрэг вакцины 42 231 эхний тун буюу 2-3 хоногийн нөөц байгаа тухай ЭМЯ-ны өнөөдрийн ээлжит хэвлэлийн хурлын үеэр мэдээлэв. 
 
 Вакцины нөөц дуусна гэж санаа зовох шаардлагагүй гэдгийг ЭМЯ-ны хэвлэл, мэдээллийн зөвлөх Б.Ууганбаяр мэдээллийн үеэр тодотгов. Тэрбээр, "КОВАКС хөтөлбөрийн хүрээнд энэ долоо хоногийн сүүл, ирэх долоо хоногийн эхээр Файзер вакцин ирнэ. Мөн ОХУ-аас Спутник-5 вакцины нэг сая тун худалдан авахаар яриа, хэлцлийг Засгийн газар, Сангийн яам, ГХЯ, ЭМЯ-наас хийж байгаа. Засгийн газар насанд хүрсэн хүн амаа бүрэн вакцинжуулах ажлыг долоодугаар сар гэхэд дуусгана. Ингэхдээ, найман үе шат бүхий төлөвлөгөөний дагуу явж байгаа. Вакцины давтан тунг хийх үеэр одоогийнх шиг өдөрт 15 мянгаар биш, түүнээс олон хүнийг дархлаажуулахаар бэлтгэлээ хангаж байна" хэмээв. 
Манай улс дархлаажуулалтад БНЭУ-ын 75 мянга, БНСУ-ын 7200 тун Астразенека, БНХАУ-ын Синофарм вакцины 107 769 хүн тунг ашиглаад байна. Өнөөдрийн байдлаар, дархлаажуулах нэг цэгт дунджаар 980 орчим вакцин байна. ХӨСҮТ-д Синофарм 150 мянга, БНСУ-ын Астразенека 7200, БНЭУ-ын Астразенека 75 мянга, нийт 232 200 давтан тун байна. "Синофарм" вакцины давтан тунг ирэх сарын 15-наас, Астразенека вакцины давтан тунг ирэх саын 23-наас хийж эхэлнэ.
 
Уянга
Вакцины нөөц хангалттай байгаа
Сэтгэгдэл
АНХААРУУЛГА: Уншигчдын бичсэн сэтгэгдэлд sodonnews.mn хариуцлага хүлээхгүй болно. sodonnews.mn сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Нийт сэтгэгдэл: 0