Баруун чиглэлийн гол зам болох Арвайхээр-Улаанбаатар чиглэлийн улсын чанартай авто замын 371-431 км дэх хэсгийн 60 км замын засварын ажлыг гүйцэтгэх компани ажлаа эхлэхэд бэлэн болжээ.  

 

“Монгол Улсын Засгийн газар болон Азийн хөгжлийн банк хооронд 2019 оны 9-р сарын 13-нд байгуулсан МОН-3786 зээлийн хөрөнгөөр “Бүс нутгийн авто зам хөгжүүлэх, засвар арчлалтын төсөл”-ийн хүрээнд баруун аймгууд чиглэлийн гол авто замын сүлжээний хэсэг болох Хүйтний хөндий-Арвайхээр чиглэлийн 57.56 км авто замын их засварын ажлын гүйцэтгэгчийн сонгон шалгаруулах олон улсын тендерийн үйл ажиллагааг АХБ-ны Худалдан авах ажиллагааны журмын дагуу зохион байгуулсан байна.

 

Гүйцэтгэгчээр шалгарсан “Эйч кэй би интернэйшнл холдинг” ХХК-тай зам барилгын ажлын гүйцэтгэх 13.97 сая ам.долларын өртөг бүхий гэрээг 2021 оны гуравдугаар сарын 31-нд гэрээ байгуулснаар ажил энэ сарын 20-ны өдөр эхлүүлэхээр холбогдох бэлтгэл ажлыг хангаж байгаа аж. Зам барих ажлыг 24 сарын хугацаанд гүйцэтгэж ашиглалтад хүлээлгэж өгөх үүргийг гүйцэтгэгч компани хүлээж байгаа юм.

Арвайхээр-Улаанбаатар чиглэлийн замыг засна