БЗД-ийн  БЗД-ийн 21,27,2-р хорооны айл өрхүүдийг сүүлийн 10 гаруй жил үерийн аюул нөмөрч ирсэн. Зөвхөн эдгээр өрхүүд төдийгүй Сансар болон 13-р хороолол ч үерийн усанд автдаг байжээ.

Тиймээс олон жил иргэдийг эрсдэлд оруулсан энэхүү асуудлыг тус дүүргээс сонгогдсон УИХ-ын гишүүн Д.Оюунхорол үерийн хамгаалалтын байгууламжийг барих санаачлага гарган төсөв санхүүг улсын төсөвт суулган шийдвэрлэсэн байна. Ингэснээр БЗД-ийн 40  мянга гаруй өрх үеэр усны айдасгүй тав тухтай амьдрах боломжтой боллоо.

Нийт 1,9 км урттай, 6,5 метр өндөртэй энэхүү үерийн хамгаалалтын байгууламж эрх оны 11-р сард ашиглалтад орох төлөвлөгөөтэй юм.  Барилгын гүйцэтгэгчээр “Байгууламж  ХХК” “Веллмайнтвотер” ХХК гэсэн дотоодын хоёр кампани шалгарчээ.

А.ЦЭЛМЭН