Нийслэлийн хамгийн их гэр хороолол бүхий нутаг дэвсгэртэй Сонигинохайрхан дүүргийн Баянхошуу орчмын агаарт тавдугаар сард хүртэл PM2.5 тоосонцор байсаар байгааг Цаг уур, орчны шинжилгээний газрын судалгаанаас харж болж байна. 

 

Үндэсний статистикийн хорооноос танилцуулсан 2018 оны тавдугаар сарын нийгэм, эдийн засгийн байдлын үзүүлэлтээс мөн энэ нөхцөл харагдаж байна. Галлагааны улирал шувтарч дуусах тийшээ хандсан тавдугаар сард бусад дүүргийн агаар дахь ширхэглэгт тоосонцрын хэмжээ 0 байхад Баянхошуу орчимд "3" гэсэн үзүүлэлт гарчээ. 

 

Харин тоосны бохирдлын хувьд Нисэх, Амгалан, Зуун айл орчим хамгийн их байгаа бол Баруун дөрвөн зам, 13 дугаар хороолол, Зуун айл орчмын агаар дахь азотын давхар ислийн хийн агууламж өндөр байгаа аж. Агаар дахь эдгээр бохирдол нь 2016 болон 2017 оны тавдугаар сартай харьцуулахад 2018 оны энэ үед илүү өссөн үзүүлэлттэй байна.  

Баянхошуу орчмын агаар тавдугаар сард ч бохирдолтой хэвээр