Монгол, Туркийн хамтарсан сургуулийн захирал БНТУ-ын иргэн Вейсел Акчайг (Veysel Akcay)  өнгөрсөн сарын 27-ны өдрийн өглөө үл таних хүмүүс хулгайлсан гэх хэргийг цагдаагийн байгууллага шалгаж байгаа билээ.

Уг асуудлаар  Монгол Улсын Засгийн газраас албан ёсны байр сууриа илэрхийлээгүй ч Боловсрол, соёл, шинжлэх ухаан, спортын сайд Ц.Цогзолмаа энэ талаар хэвлэлд өгсөн ярилцлагадаа зарим зүйлийг тодотгосон. Тэрбээр “Монголд үйл ажиллагаа явуулж байгаа Турк сургуулиудыг Монгол Улсын Засгийн газарт хүлээлгэж өгвөл сургалтыг тасалдуулахгүйгээр авч явах бүрэн боломжтой' гэдгийг онцолжээ. Тодруулбал, Турк сургуульд суралцаж байгаа монгол хүүхдүүдийн сургалтыг тасалдуулах ёсгүй. Мөн бусад улс орнуудад ижил төстэй сургуулиудыг Турк улс тухайн улсын Засгийн газарт нь хүлээлгэж өгч байна. Тиймээс Турк улсын Засгийн газар шийдвэрээ гаргаад Монголд үйл ажиллагаа явуулж байгаа Турк сургуулиудыг Монгол Улсын Засгийн газарт хүлээлгэж өгвөл сургалтыг тасалдуулахгүйгээр авч явах бүрэн боломжтой. Хуулийн гаргалгаагаа гаргаад бидэнд хуулийн дагуу асуудлаа тавибал шийдвэрлэж өгөхөд бэлэн байна.Энэ талаар судлаач ээ гэдэг саналыг тавьсан байгаа” гэжээ.

Ц.ОРГИЛ