УИХ-ын 2018 оны хаврын чуулган өнөөдөр нээлтээ хийсэн. Хуваарийн дагуу УИХ дахь намын бүлгүүд хуралдаж, энэ долоо хоногт хэлэлцэх хуулийн төслүүдийн талаар хэлэлцдэг. Тэгвэл дөнгөж сая МАН-ын бүлэг чуулганы дараа хуралдлаа. Тус намын бүлгийн хуралдаанаар энэ долоо хоногт УИХ-ын чуулганы хуралдаанаар хэлэлцэх хуулийн төслүүдийн талаар байр сууриа нэгтгэсэн байна.

 

Мөн УИХ-ын гишүүн Д.Гантулга өөрийн хүсэлтээр бүрэн эрхээсээ түдгэлзэх саналаа УИХ-ын даргад өгнө гэдгээ мэдэгдсэн учраас энэ асуудлыг бүлгийн хуралдаанаар хэлэлцжээ. УИХ-ын Д.Гантулга 'Би өөрийн хүсэлтээр түдгэлзэх санал гаргаж, шүүхээр үнэн зөвөө тогтоолгохоор шийдлээ. Бүлгийн гишүүд маань миний саналыг дэмжиж өгөөрэй' гэжээ. УИХ-ын гишүүн өөрөө хүсэлтээ гаргаж байгаа учраас хэрэг шийдэх хугацаа хүртэл түдгэлзүүлэх нь зүйтэй гэж бүлгийн гишүүдийн олонх үзсэн байна. УИХ-ын гишүүн Д.Гантулга энэ талаараа удахгүй мэдээлэл хийх юм байна.

 

 

А.Цэлмэн

МАН-ын бүлэг Д.Гантулга асууудлыг хэлэлцжээ