ЗГ: Бизнесийн орчныг дэмжих зарим арга хэмжээний тухай хэлэлцэж байна

3 цагийн өмнө 22

Хуваалцах Жиргэх

Монгол Улсын Засгийн газрын ээлжит хуралдаан өнөөдөр өглөөний 08:00 цагт эхэллээ. Өнөөдрийн хуралдаанаар эрүүл мэндийн салбарын шинэчлэл болон бизнесийн орчныг дэмжих чиглэлээр нийт 20 асуудал хэлэлцэхээр товлосон байна.

Бизнесийн орчныг дэмжих, дотоодын үйлдвэрлэлийг хамгаалах чиглэлээр:

Хуралдаанаар эдийн засгийн идэвхжлийг нэмэгдүүлэх, бизнес эрхлэгчдэд тулгамдаж буй саад бэрхшээлийг арилгахад чиглэсэн хэд хэдэн чухал тогтоолын төслийг хэлэлцэж байна. Үүнд:

Импортын татвар: “Импортын зарим барааны гаалийн албан татварын хувь, хэмжээг тогтоох тухай” тогтоолын төсөл;
Дэмжлэг: “Бизнесийн орчныг дэмжих зарим арга хэмжээний тухай” болон “Дотоодын үйлдвэрлэлийг дэмжих зарим арга хэмжээний тухай” тогтоолын төслүүд;
Хяналт шалгалт: “Улсын үзлэгийн мөрөөр авах зарим арга хэмжээний тухай” асуудлууд багтаж байна.

Эрүүл мэндийн салбарын шинэчлэл:

Салбарынхны анхаарлын төвд байгаа “Эрүүл мэндийн салбарт авч хэрэгжүүлэх арга хэмжээний тухай” тогтоолын төслийг хэлэлцэнэ. Энэхүү тогтоолын хүрээнд эрүүл мэндийн салбарынхны цалингийн тогтолцоог цэгцлэх, нийгмийн баталгааг хангах асуудлыг шийдвэрлэхээр хүлээгдэж байна.

Хуулийн төслүүдэд өгөх санал, дүгнэлт:

Засгийн газар Улсын Их Хурлын гишүүдээс санаачлан боловсруулсан дараах хуулийн төслүүдийг хэлэлцэж, санал дүгнэлтээ нэгтгэнэ. Үүнд:

Д.Үүрийнтуяа гишүүн: Санхүүгийн хоршооны тухай хуулийн шинэчилсэн найруулга;

Н.Батсүмбэрэл гишүүн: Нийтээр тэмдэглэх баярын болон тэмдэглэлт өдрүүдийн тухай хуульд нэмэлт оруулах төсөл;

Х.Тэмүүжин гишүүн: Зөвшөөрлийн тухай хуульд өөрчлөлт оруулах тухай төсөл.

Санамж: Хуралдаанаас гарсан шийдвэрүүдийн талаарх дэлгэрэнгүй мэдээллийг хуралдаан дууссаны дараа холбогдох сайд, албан тушаалтнууд олон нийтэд танилцуулах юм.

ЗГ: Бизнесийн орчныг дэмжих зарим арга хэмжээний тухай хэлэлцэж байна

Сэтгэгдэл