УИХ-ын чуулганы хуралдаан үргэлжилж байна. Хуралдаанаар Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хуулийн төслийн нэг дэх хэлэлцүүлгийг хийлээ. Улмаар эл хуулийн төслийг хоёр дахь хэлэлцүүлэгт бэлтгүүлэхээр холбогдох байнгын хороодод хүргүүллээ. УИХ-ын дарга С.Бямбацогтын зүгээс хуулийн төслийг нэг сарын дотор батлах ёстойг гишүүдэд сануулж байлаа.