Банк хоорондын төлбөрийн картын системийг энэ сарын 25-ны 00.00-4.00 цагийн хооронд шинэчлэх тул банк хоорондын төлбөрийн картын гүйлгээг бүрэн зогсоохыг Монголбанк мэдэгдлээ.

 

Энэ хугацаанд төлбөрийн картын ATM, ПОС, цахим худалдаа зэрэг гүйлгээ түр зогсох бөгөөд банкуудын интернет банк, мобайл, цахим банкны гүйлгээ хэвийн ажиллана. 

 

Монголбанк нь Азийн хөгжлийн банкны санхүүжилтээр хэрэгжүүлж буй “Төлбөрийн системийн шинэчлэл төсөл”-ийн хүрээнд төлбөрийн системийн тасралтгүй найдвартай ажиллагааг хангах, хүчин чадлыг нэмэгдүүлэх, шинэ дэвшилтэт гүйлгээний төрлийг дэмжих зорилгоор дэд бүтэц, програм, техник хангамжийн шинэчлэл хийж байгаа юм. 

Банк хоорондын төлбөрийн картын гүйлгээг энэ сарын 25-ны 00.00-4.00 цагийн хооронд түр зогсоно