АНУ-ын алдарт рэппер Кендрик Ламар хөгжмийн ертөнцөд дахин нэгэн түүхэн амжилтыг тогтоож, хамгийн олон Грэмми шагнал хүртсэн рэппер хэмээн нэрлэгдлээ.

 

Тэрээр олон жилийн турш уран бүтээлээрээ шүүмжлэгчид болон сонсогчдын өндөр үнэлгээг авч ирсэн бөгөөд энэ удаад Грэмми шагналуудын тоогоороо бусад бүх рэппэрүүдийг ардаа үлдсэн байна. Кендрик Ламар одоогийн байдлаар 26-аас дээш Грэмми шагнал хүртсэн нь тус шагналын түүхэнд рэп урсгалын уран бүтээлчдийн дунд шинэ рекорд болжээ.

 

Кендрик Ламар нь зөвхөн шагналын тоогоор бус, нийгэм, арьс өнгө, улс төр, хувь хүний дотоод зөрчил зэрэг сэдвийг гүн гүнзгий хөндсөн уран бүтээлүүдээрээ онцлог. Түүний “To Pimp a Butterfly”, “DAMN.”, “Mr. Morale & the Big Steppers” зэрэг цомгууд нь хөгжмийн салбарт өндөр үнэлгээ авч, түүнийг үе үеийн хамгийн нөлөө бүхий уран бүтээлчдийн нэг болгосон юм.

 

Мөн тэрээр 2018 онд “DAMN.” цомгоороо Пулитцерийн шагнал хүртсэн анхны хип-хоп уран бүтээлч болж, хөгжмийн түүхэнд дахин нэг чухал мөр үлдээсэн билээ.

 

Ийнхүү Кендрик Ламарын энэхүү амжилт нь орчин үеийн хип-хоп урсгалын хөгжлийг илтгэхийн зэрэгцээ уран бүтээлчийн нийгэмд үзүүлэх нөлөө ямар хүчтэй байж болохыг харуулж байна.